虎哥有钱苹果版(虎哥商店下载)

香港“四大天王”组团嚟顺德？

一场“星风雪雨”嘅战争即将开始

Are you ready？

　　唔好睇呢度店面细细，其实佢深藏不露，香港4大天王都隐藏于此！呢四大天王系一间茶餐厅嘅标配，更加系一间茶餐厅嘅灵魂。唔信就等点点带你一探究竟！

　　无得输鲜虾云吞

　　一粒云吞の修炼

　　点为之一粒无得输嘅鲜虾云吞？今日老细虎哥带路，点点深入厨房，揭开靓云吞嘅神秘面纱。

　　每日都系新鲜二刀肉，肥瘦三七分、人手剁制，手起刀落，单系坚持呢个动作就要至少40分钟，为嘅就系个种入口难忘嘅口感！

　　唔少得揉搓嘅过程，令肉与肉更加融合，弹牙程度先可以直逼鲜虾！

　　连云吞皮都来自香港，真系无得输！迅雷不及掩耳嘅速度，搞掂一只，每日嘅好滋味就系咁一只一只人手包出嚟噶啦！

　　煮出嚟嘅云吞大小啱啱好，就算一啖鲸吞都无问题。肉感好真实，连汤底都系用大地鱼、虾头和猪骨熬制，足够香浓足够诱人。

　　最后大爆料，一粒好食嘅云吞，其实肉嘅比例要大于虾嘅比例，但系又要弹牙咁就真系好考功夫啦，好彩呢度就有得食！

　　赢噻脆嫩鲜猪肝

　　黄金猪润2.5小时

　　脆、嫩、鲜系呢度猪润嘅关键词，每日洗猪润嘅时间就要至少2.5小时，干干净净白雪雪先会上台开切。以绝对厚切嘅态度对待每一旧猪润，口感？自己感受！

　　点解猪润食起身唔会感觉有腥味？老细虎哥话，唔好睇小猪润呢d内脏嘢，只要有心，好食过珍馐百味多多声。当然要加埋大师傅dee哥无影手先得啦！

　　厚切猪润爽脆之余仲会飙汁，浓厚既质感注定让人无法淡定！

　　记得配上特制嘅辣椒豉油，细致到连呢个都系香港复制黏贴过嚟，问你怕未？（咁样搭配嚟食真系好正！！）

　　老细虎哥同点点讲：“平嘢无好？其实平嘢唔一定唔好，只不过可能呢样平嘢未遇到一个好嘅、用心嘅人！”

　　晓飞惹味鲜猪扒

　　这件猪扒很暴力

　　其实唔系猪扒暴力，系厨师暴力！因为呢度嘅每一块猪扒买新鲜猪肉翻嚟，亲自切、亲自捶，每一块猪扒都经过千锤百炼，每一下都打得出用心。

　　整容前、整容后嘅对比，经过捶打嘅猪扒，肉眼都睇得出嘅滑滑滑！

　　唔好以为随随便便就可以煎出靓猪扒，少咗灵魂厨师强哥出马，火候控制唔好你想食靓猪扒？难d咯！

　　厚度够！煎到金黄睇见真系会流口水，闻到可能会把持唔住。肉质松化多汁，同出面买翻嚟嘅腌肉真系两种截然唔同嘅口感。

　　感觉终于解锁了猪扒嘅正确食法，洋葱汁嘅香更系渗入猪扒当中，一旧就要你回味无穷。

　　无敌最寂寞牛腩

　　一口黯然销魂牛腩

　　一口真的勾魂，软霖适中，唔单止唔韧，N种香料系你口腔内散发出香气。

　　肥瘦相间、肥而不腻一层叠一层，口感一浪接一浪，无法拒绝。

　　最后点点真系唔识总结，云吞排第一、猪扒拿冠军、猪润系榜首、牛腩为状元，样样都咁好食，真系难分高下，果然系四大天王各有千秋。

　　系顺德食香港饭

　　重量级杀到！老细龙哥直接将好hit嘅香港饭继续复制黏贴嚟顺德，香港嚟嘅火腿、午餐肉、鸡肉肠，70%还原港味！30%就交俾新鲜嘅猪扒同埋大厨嘅巧手！

　　猪扒分分钟KO iPhone7Plus，咁大旧肉淑女绝对应付唔来，此等重任一众汉子上！

　　鸡蛋煎至流心，一刀划落诱人非常，捞埋饭一齐食简直回味无穷。呢个香港饭真系太实在，食完简直系大写一个满足。

　　除咗香港饭之外，仲有香港丁噶！喜欢面食嘅朋友唔好错过。

　　你唔一定食过嘅咖喱捞丁

　　讲到食面，点可以唔试下呢度个捞丁？唔好以为系普通即食面，出前一丁全部都系老板龙哥从香港亲自带过嚟，居然同大陆的完全不同！

　　平时系简单嘅葱油、餐蛋咁捞丁，呢度就话要搞搞新意思，咖喱捞丁！每日新鲜熬制嘅咖喱汁，连薯仔都入味到无朋友，面同咖喱嘅混合，Q弹爽口之余够噻味道，中意试新野嘅你唔可以错过！

　　咖喱每日都系现煮现熬，保证新鲜之余，有几好食唔使点点讲你都明啦！

　　成人必点嘅儿童套餐！

　　云吞、进口餐肉、啫喱呢d点点最爱嘅配搭竟然出现儿童套餐！仲有少女必杀HelloKitty！份量啱晒点点呢d少女胃，仲食到细个嘅味道，掂！

　　男仔儿童套餐系蓝胖子多拉a梦，细心到呢个份上，点点手指公不自觉竖起身了......（其实系点点贪恋啫喱嘅美味）

　　75%还原香港味道

　　所以点解呢度嘅嘢咁好食？除咗老细同一众员工嘅坚持同用心之外，最重要当然系食材！呢度嘅食材分两种，要么香港直达！要么新鲜运到，就系咁任性！

△真系连豉油都系香港买咗，老细亲自拿过嚟噶！

　　半透明厨房，一路食饭一路睇住大厨碌面嘅chok样，视觉冲击都唔少啊喂

　　古灵精怪咁系室内整个瓦顶，想点先！港式风味中强势插入d岭南味咁话啦啵，不过都几过瘾，用嚟发票圈装个小逼一流！

　　无处不在嘅鸡公碗，有年代感嘅茶桶，TVB即视感强！唔好忽视茶水间！呢度嘅茶水饮料都系由茶水大神鹏程亲手冲泡，有几好饮？试过就知！

　　■■■■■

　　唔好以为上面点点食懵咗，龙虎不分，其实呢间店系由一对龙虎兄弟合作开嘅餐厅。而服务员都系全男班底，无间道feel出噻嚟。

　　每到饭市时候，座无虚席，梗系啦四大天王坐镇，点点都组子妹团嚟排队！

　　送你开心心

　　既然呢间店咁港味

　　点少得一发港味优惠

　　到店根据店员指示送你一杯

　　震腾腾开心心罗卜臣啫喱

　　活动时间：4月8号~4月23号

流口水了吧？

双手奉上你要嘅地址！

香港华记港食馆

　　地址丨大良嘉信城市广场二期A114号铺

　　电话丨0757-22632326

　　营业时间丨早上7点－晚上9点

　　最后再爆一件事，其实华记有隐藏菜单“一口奶茶”“鸡蛋咖啡”。

　　如果你咁好彩撞到龙虎兄弟，话唔定可以亲手整翻杯隐藏菜单俾你地，甘就真系无得输啦！毕竟越浓缩越精华，一啖搞掂，吊住你条瘾，要你嘅味蕾欲罢不能。

　　长

　　按

　　关

　　注

　　解锁更多真优惠

　　公众号 @顺德任你点

　　小编“点点”

　　点点组姐妹团杀去“华记”了

　　你！来不来？

合作热线：0757-22336860 13928559515

目前100000+人已关注加入我们

　　广告

标签： 虎哥有钱苹果版